مظاهرات الميكروباص + قصة حقيقية

سائقو الميكروباص تظاهروا بسبب قانون المرور الجديد والغرامات الكبيرة
تظاهر الاثنين عدد من سائقى الميكروباص فى شارع جامعة الدول العربية بسبب قانون المرور الجديد والغرامات الكبيرة التى فرضها على المخالفين من سائقى السيارات الذى وصل إلى عقوبة الحبس فى بعض المخالفات.
قام المتظاهرون الذين يقودهم 5 سائقين بإيقاف سياراتهم فى الشارع وأغلقوا حركة سير السيارات وطلبوا من زملاءهم سائقي الميكروباص عدم تحميل الركاب والامتناع عن العمل وإنزال الركاب من السيارات حتى يتم تخفيض الغرامات وإجراء بعض التعديلات على قانون المرور الجديد.
انتقلت أجهزة الأمن بالجيزة وضباط مباحث المرور إلى مكان المظاهرة وتم إلقاء القبض على 5 سائقين والتحفظ على سياراتهم وتولت نيابة الدقى التحقيق.
تبين أن السائقين يعملون على خطوط إمبابة فيصل وتوالى نيابة الدقى التحقيق معهم بتهم التجمهر وتعطيل حركة المرور والامتناع عن نقل وتحميل الركاب والتحريض على الإضراب والإضرار بالأمن العام.



مواقف وطرائف المرور المصرى



موقف حصل مع صديقى امبارح بالليل فى إشارة روكس
واقف فى الاشارة تليفونه رن
مسك التليفون بص فيه
طلعله أمين شرطة
الأمين : الرخص
صديقى : ياباشا أنا رابط الحزام
الأمين : رخصك يا أستاذ المحمول ممنوع
صديقى : طيب أنا واقف فى إشارة وحتى لسه ما اتكلمتش ده أنا بشوف بس مين اللى بيرن عليا
المهم أخد الرخص وراح عند الضابط
صديقى بدأ يدور فى جيبه على عشرة جنيه فكة
جه الواد بتاع المناديل اللى بيبيع علب المناديل والمعطر بتاع السيارة
الواد بتاع المناديل :عايز فكة ياباشا
صديقى :آه لحسن مش معايا غير خمسينات وخسارة فيه خمسين جنيه
الواد : هاتديلة كام سعادتك
صديقى : 10 جنيه كويس
الواد : لا ياباشا ده راح للضابط خلاص لو كان من الأول كانت تمشى
بص ياباشا هات الخمسين أنا هاديله منها 20 وخد منى 5 معطر بعشرة جنيه يبقى أنت كده ليك عندنا 20 جنيه
واداله العشرين جنيه وجابله الرخص من الأمين والموضوع كله ما اخدش اكتر من قفلة إشارة وفتحتها
وسلملى على قانون المرور

قصه حقيقة حدثت فى إشارة روكسى أمس الاثنين 26 يناير 2008 الساعة 10 مساءا