أحدث كلمات لأغنية شعبولا بمناسبة حذاء منتظر

شعبولا يغني لضرب بوش بالحذاء!



شعبان عبدالرحيم رغم أزمته الأخيرة بسبب التحقيق معه في واقعة اتهامه بتعاطي مواد مخدرة أدت إلى دخوله في حالة غيبوبة مؤقتة، وعدم اكتمال شفائه ..اتصل المطرب الشعبي شعبان عبد الرحيم بمؤلف معظم أغنياته، واشهرها "أنا باكره اسرائيل" و"يا عم عربي" وهو الشاعر الغنائي إسلام خليل، وطلب منه كتابة أغنية عن واقعة ضرب بوش بالحذاء.

وتقول كلمات الاغنية:

خلاص مالكش لازمة يا بوش يابن اللذينا

تستاهل ألف جزمة عاللي أنت عملته فينا

وجه اليوم يا واطي ووشك اتفضح

وشافوك الناس مطاطي من جزمتين شبح

الجزمة كانت مفاجأة كمان زي الزيارة

والدنيا بحالها فرحت والناس فضلت سهارى

يا قلوب كتير حزينة قومي يلا ابتسمي

شوفي بوش وهو خايف والجزمة بتترمي

بصراحة ماقدرش اغشك واقولك زعلت عليك

يا ريتها جت في وشك وخزقت عينيك

صدام اللي أنت دبحته في أول يوم العيد

اهو ربك خد بتاره وفي نفس المواعيد

تحية عشان منتظر وتحية لجزمته

فرحنا كتير في بوش في أخر خدمته

بجزمتين في وشك هاتسيب امريكا على نارك

ويا عيني مش هاتلحق يا بوش تاخد بتارك

في ناس كتير بسببك في الدنيا متبهدلة

بتقول يا ريتها كانت صاروخ أو قنبلة

العالم كله شافك وبالسعادة حس

الجزمة زي الكورة وداخلة في المقص

مليون شهيد واكتر في الجنة فرحانين

ربك كبير وقادر يهد المتفرعنين

ضيعت شعوب كتيرة من هنا ومن هنا

ومش خسارة فيك جزمة معفنة

وايييييييييييييييييييه

المعروف أن "شعبولا" سبق أن غنى لبوش قبل ذلك، بعد أيام من ضرب برجي مركز التجارة.

وقال في مطلع أغنيته التي منعت السلطات المصرية اذاعتها أو اصدارها في شريط كاسيت "مبروك يا عم بوش البرج اللي انضرب .. عايزين برجين كمان ونفرح العرب"!.