عدد الرسائل : 168 العمر : 33 البلد : Egypt المدينة : Cairo تاريخ التسجيل : 25/08/2007
موضوع: إزاي تعرف انك بتتفرج علي فيلم عربي الجمعة سبتمبر 28, 2007 10:37 pm
إزاي تعرف انك في فيلم عربي؟
عندما يكون البطل مريضا وتقدم لة البطلة حبة الدواء مع كوب ماء وبعد ان يبتلعها وتسأله البطلة فورا: ها عامل اية دلوقتي المفاجأه انة يرد عليها الحمد لله بقيت احسن كده بالسهولة دي.. هو واخد حبة البركة ولا ايه؟
*******
عندما يصل البوليس الي موقع الجريمة دون ان يبلغه احد تقريبا المخرج هو اللي بلغ علشان يصور.. أمّال هيصور ايه
*******
عندما يصاحب مشهد التغرير بالبطلة لقطات الامطار الغزيرة والبرق والرعد والشباك الذي ينفتح بقوة علي مصراعيه وتلاقي البطلة في الفيلم مصيّفه
*******
عندما تقول البطلة للبطل انها حامل فيرد البطل على طول.. اللي في بطنك ده لازم ينزل غالبا بيكون يوسف شعبان
*******
عندما تفاجئ باغنية مالهاش أي لزمه في نص الفيلم مش عارف ايه العلاقة بين الاغنية والفيلم
*******
عندما يكون من المستحيل ان تجد الهاتف مشغول والطرف التاني يرد من قبل ما النمرة تجمع ولا تدي جرس حتى
*******
العبارة الساذجة الشهيرة التلي تصطحب مشهد القبض علي المجرم: مفيش جريمة كاملة وانت فاكر انك هتهرب من البوليس بعملتك دي
*******
عندما يسكر البطل فتجده يصب كوب ممتلئ علي اخره بيسكر بعصير قصب
*******
عندما يخرج الطبيب من غرفة العمليات يرد جملة من ثلاث جمل اضطرينا نضحي بالجنين.. شدو حيلكوا يا جماعه.. العمليه نجحت بس مش هتقدروا تشوفوه دلوقتي
*******
عندما يجلس البطل والبطلة في نفس الكازينو بتاع كل فيلم اللي في وش ماسبيرو ويطلبوا نفس العصير اللي في كل الافلام: تانج او ميراندا يخلص المشهد من غير ما حد يشرب حاجة تقريبا علشان هيتصور بالمشاريب دى فيلم تاني
*******
عندما يصاب البطل بطلق ناري في قلبه وتنزف الدماء من بطنه زي صلصلة الكشري ويظل يتحدث بطلاقة وتركيز لمدة خمس دقائق يقوم خلالها بفك لغز الفيلم والاعلان عن القاتل الحقيقي او البطل يبقي ابن مين
*******
عندما تتناول الابنة الفطار وهيا واقفة وبتاخد لقم سريعة فتقولها الوالدة ما تفطري يابنتي كويس تقولها: لا علشان الحق المحاضرة وتبوسها وتمشي فتنظر الوالدة الي الوالد ويبدأن في الدعاء
*******
عندما تغيّر حرب اكتوبر اخلاق كل المنحرفين الموظف المرتشي والجاره اللعوب والبلطجي والمجرم بطبعه
*******
عندما تجد مقر العصابة ملئ بالقش والبراميل الخشبية
*******
عندما تسمع صرير احتكاك كاوتش العربيات اللي بطارد بعض وتقريبا بتبقي عربيات 128 وماشية بسرعة 30 كيلو
shreeffox عضو فعال
عدد الرسائل : 117 العمر : 35 البلد : ام الدينا مصر الوظيفة : طالب جامعى المدينة : مدينه الفرعنه والحضاره ( الجيزه) تاريخ التسجيل : 02/10/2007
موضوع: رد: إزاي تعرف انك بتتفرج علي فيلم عربي الإثنين أكتوبر 08, 2007 1:32 am
هههههههههههههههههههههههه على فكره انت بجد بتتكلم صح
rouka عضو فعال
عدد الرسائل : 117 العمر : 34 البلد : اسكندرانى صميم المدينة : من بحرى وبنحبوة تاريخ التسجيل : 09/10/2007
موضوع: رد: إزاي تعرف انك بتتفرج علي فيلم عربي الخميس أكتوبر 11, 2007 1:03 pm
بجد والله انتا بتتكلم صح جدا ومشكور يا عم
tetooo عضو مبتدئ
عدد الرسائل : 15 العمر : 35 تاريخ التسجيل : 21/10/2007
موضوع: رد: إزاي تعرف انك بتتفرج علي فيلم عربي الخميس أكتوبر 25, 2007 5:03 pm
حورات حمضانه ياريس مفش بعد الاجانب فى اى حاجه احنا فاشلين للاسف فى كلـــــــــــــــــــــل حاجه [img][/img]
zizoprince عضو مبتدئ
عدد الرسائل : 45 العمر : 46 تاريخ التسجيل : 24/09/2007
موضوع: رد: إزاي تعرف انك بتتفرج علي فيلم عربي السبت نوفمبر 03, 2007 12:04 pm
قشطه ملعوبه منك
heromas مشرف
عدد الرسائل : 165 العمر : 37 البلد : مصر المحروسه الوظيفة : منظم رحلات لاى مكان فى الدنيا المدينة : شلااااااااه يا سيد يا بدوى تاريخ التسجيل : 15/08/2007
موضوع: رد: إزاي تعرف انك بتتفرج علي فيلم عربي الجمعة نوفمبر 09, 2007 3:04 pm
جامده يا مان بس والله كمان من كتر ما بتفرج على افلام اجنبى بدات اتوقع ايه اللى هايحصل وعموما اللى بيحصل هو عكس اللى بيحصل فى الافلام العربى
gabrelngar عضو نشيط
عدد الرسائل : 55 العمر : 40 تاريخ التسجيل : 13/01/2008
موضوع: رد: إزاي تعرف انك بتتفرج علي فيلم عربي الأحد يناير 20, 2008 8:36 pm
مشششششششششششششششششكر
zahra ahmed عضو مبتدئ
عدد الرسائل : 32 العمر : 36 البلد : مصر الوظيفة : طالبة المدينة : دمياط تاريخ التسجيل : 20/01/2008
موضوع: رد: إزاي تعرف انك بتتفرج علي فيلم عربي الأحد يناير 27, 2008 2:09 pm
عندما تجد مقر العصابة ملئ بالقش والبراميل الخشبية
عجبتنى اوى شكرا
top_007 عضو فعال
عدد الرسائل : 112 العمر : 37 تاريخ التسجيل : 13/02/2008
موضوع: رد: إزاي تعرف انك بتتفرج علي فيلم عربي الأحد مارس 02, 2008 2:23 pm
كله كوم والعربيه 128 كوم تانى دى ممكن تنقط من فوق اى حاجه وتنزل تانى سليمه ازاى الله اعلم